பிப்ரவரி-2 தினம் ஒரு தேவாரம் திருவாசகம் பாடலும் பொருளும் - Daily Alert

தேவாரம்

       

        பன்னிடைத் தமிழொப்பாய் பழத்தினிற் சுவையொப்பாய்:

        கண்ணிடை மணியொப்பாய் கடுவிருள் சுடரொப்பாய்:

        மண்ணிடை அடியார்கள் மனத்திடர் வாராமே

        விண்ணிடைக் குருகாவூர் வெள்ளடை நீயன்றே.

         சிவபெருமானே! பண்களிடையே பொருந்த நிற்கும் தமிழைப் போன்றவன் நீ. பழத்தினிடையே அமைந்த சுவையைப் போன்றவன் நீ. கண்ணின் இடையே அமைந்த பார்வையைப் போன்றவன் நீ. செறிந்த இருளிடையே அமைந்த ஒளியை ஒத்தவன் நீ. மண்ணுலகில் அடியவர்களின் மனத்தில் துன்பம் வராமல் காக்கும் திருக்குருகாவூர் வெள்ளடையில் இருப்பவனும் நீயல்லவா?

திருவாசகம்

             

              வானம் நாடரும் அறி யொணாத நீ

         மறையில் ஈறும் முன்தொடரொணாத நீ

              ஏனை நாடரும் தெரியொணாத நீ

          என்னை இன்னிதாய் ஆண்டு கொண்டவா

              ஊனை நாடகம் ஆடுவித்தவா

         உருகி நான் உனைப் பருக வைத்தவா

              ஞான நாடகம் ஆடுவித்தவா

         நைய வையகத்து உடைய விச்சையே.

                                விண்ணவரும் அறிதற்கு அரிய வித்தகனே, வேத உபநிடதங்களும் உன்னை விளக்கத் திறன் இல்லாதவையாயின்.  மண்ணவரும் உன்னை அறியமாட்டார்.  யாவர்க்கும் அரியவனாகிய நீ எனக்கு எளியன் ஆனாய்.  உனது கருணையால் என்னை ஆட்கொண்டாய் இவ்வுடலைத் தந்து உலக அரங்கில் என்னை நடமாட வைத்தவனே, பக்த்pயால் நான் உருகிப் பரவசம் அடைந்து நின் அருளில் திளைக்க வைத்தாய். இவ்வடியேனை பாசத்தளைகளில் இருந்து நீக்கி உன் திருவடிப் பேறு அடைய அருள வேண்டும்.



தினம் ஒரு தேவாரம் திருவாசகம் பாடலும் பொருளும்  - Daily Alert  

Thevaram Thiruvasagam Song with Meaning