ஜனவரி-28 தினம் ஒரு தேவாரம் திருவாசகம் பாடலும் பொருளும் - Daily Alert

தேவாரம்

       திங்களுச்சி மேல்விளங்கும் தேவன், இமையோர்கள்

       எங்களுச்சி யெம்மிறைவன் என்றடியே யிறைஞ்சத்

       தங்களுச்சி யால்வணங்குந் தன்னடியார் கட்கெல்லாம்

      நங்களுச்சி நம்பெருமான் மேயது நள்ளாறே.

     திருநள்ளாற்று சிவபெருமான், உச்சியில் சந்திரனை சூடியவர். அவரைத் தேவர்கள் உச்சிமேல் வைத்து வணங்குவர். தலையால் வணங்கும் அடியவர்களுக்கெல்லாம் மேன்மையைத் தருபவர்.

திருவாசகம்

             

               நாயிற் கடையாம் நாயேனை

       நயந்து நீயே ஆட்கொண்டாய்

               மாயப் பிறவி உன்வசமே

        வைத்தி;ட் டிருக்கும் அதுவன்றி

               ஆயக் கடவேன் நானோ தான்

      என்னதோ இங்கு அதிகாரம்

               காயத் திடுவாய் உன்னுடைய

         கழற்கீழ் வைப்பாய் கண்ணுதலே.

                      நெற்றிக் கண் கொண்ட நீலகண்டனே, நாயினுங் கடைப்பட்ட அடியேனை விரும்பி ஆட்கொண்டவன் நீயே.  அதனால் எனக்கு உயர்வு வந்தது.  என் பிறவியை உன்பால் ஒப்படைத்தேன்.  இனி நீ என்னை எந்நிலையில் வைப்பினும் எனக்குச் சம்மதமே.  ஆராய்ந்து பார்க்கும் உரிமை எனக்கில்லை.  அதற்கான அதிகாரமும் எனக்கில்லை.  எனக்கு மீண்டும் உடல் வாழ்க்கை தருவதோ அன்றி உன்னுடைய திருவடிப்பேறு அருள்வதோ உனது திருவுளப்பாங்கு. இந்தப் பக்குவ நிலையில் இருந்து அடியேன் என்றும் நீங்காது இருக்க அருள்புரிய வேண்டும் இறைவா.

தினம் ஒரு தேவாரம் திருவாசகம் பாடலும் பொருளும்  - Daily Alert  

Thevaram Thiruvasagam Song with Meaning