ஜனவரி-31 தினம் ஒரு தேவாரம் திருவாசகம் பாடலும் பொருளும் - Daily Alert

தேவாரம்

          இடரினுந் தளரினும் எனதுறு நோய்

          தொடரினும் உனகழல் தொழு தெழுவேன்

          கடல்தனில் அமுதொடு கலந்த நஞ்சை

          மிடறினில் அடக்கிய வேதியனே               

   இதுவோ எமை ஆளுமாறு ஈவதொன்று எமக்கில்லையேல்

   அதுவோ உனது இன்னருள் ஆவடுதுறை அரனே.

            பாற்கடலின்கண், அமுதத்தைக் கடைந்தெடுக்கும்போது தோன்றிய நஞ்சினை கழுத்தில் அடக்கி வைத்துக் காத்தருளிய வேத நாயகனே! எனக்குத் துன்பம் வந்தாலும், மனம் தளர்ச்சியடைந்தாலும், எனக்கு நோய்கள் தொடர்ந்து வந்தாலும், உனது பாதத்தையே தொழுது வணங்குவேன்.

    அவ்வாறு இருக்க எமக்குத் தேவைப் படுகின்ற பொருளைத் தந்து அருள் புரியவில்லையானால் அது உமது திருவருளுக்கு அழகாகுமோ?

திருவாசகம்

         

          மாயனே மறி கடல் விடம் உண்ட

    வானவா மணி கண்டத்து எம் அமுதே

          நாயினேன் உனை நினையவும் மாட்டேன்

   நமச்சிவாய என்று உன்னடி பணியாப்

          பேயன் ஆகிலும் பெருநெறி காட்டாய்

    பிறை குலாம் சடைப் பிஞ்ஞகனேயோ

          சேயன் ஆகி நின்று அலறுவது அழகோ

  திருப்பெருந்துறை மேவிய சிவனே.

                          மாயையின் தலைவனே, கடலில் எழுந்த நஞ்சை அருந்தின தேவனே, நீலமணி போன்ற நஞ்சு தங்கிய திருக்கழுத்தை உடையவனே, எங்கள் அருமருந்தே, பிறை நிலவைச் சூடிய தலைக்கோலம் உடையவனே, திருப்பெருந்துறையில் வீற்றிருந்த சிவபெருமானே, உன்னடியவனாகிய நான் தூரத்தே நின்று துயருற்றுக் கதறுவது சரியோ.  நாயனைய நான் ‘நமச்சிவாய’ என்று கூறி உன்னடியை எண்ணவும் மாட்டாத பேயனாகிலும் எனக்கு உனது சீர்மிகுந்த ஞான நெறியைக் காட்டியருள்வாய்.






தினம் ஒரு தேவாரம் திருவாசகம் பாடலும் பொருளும்  - Daily Alert  

Thevaram Thiruvasagam Song with Meaning